रक्षात्मक बन्दै ओली, संसद् पुनर्स्थापनाले आफ्नो राजनीति नसकिने जिकिर

  • सञ्चार लाइभ प्रकाशित : February 22, 2021
  • SancharLive

प्रधानमन्त्री केपी शर्मा ओलीले प्रतिनिधिसभा पुनर्स्थापना भए पनि आफ्नो राजनीति नसकिने बताउनुभएको छ ।

कञ्चनपुरको दैजीमा छेला औद्याेगिक क्षेत्र शिलान्यास कार्यक्रममा प्रधानमन्त्री ‌ओलीले केही दिनमा सर्वोच्च अदालतले प्रतिनिधिसभा विघटनसम्बन्धी फैसला गर्ने भन्दै पुनर्स्थापना भए पनि वा नभए पनि आफ्नो राजनीति नसकिने बताउनुभएको हो ।

केही मान्छेहरू विघटन र पुनर्स्थापनाकाे निर्णयले आफ्नो राजनीति सकिन्छ भनेर छटपटाइरहेको बताउँदै उहाँले आफूहरूको राजनीति जे भए पनि नसकिने जिकिर गर्नुभयाे । आफूले अदालतलाई धम्की वा दबाब नदिएको उहाँकाे दावी छ ।