यो हो विश्व रेकर्ड बनाउने संसारको सबैभन्दा गह्रुङ्गो आँप, तौल ४.२५ केजी

  • सञ्चार लाइभ प्रकाशित : May 3, 2021
  • SancharLive

गर्मीको मौसम आउने बित्तिकै मानिसहरुको मनमा एउटै फलको नाम आउँछ । फलको राजा – आँप । तर तपाईंले कति ठूलो आँप खानुभएको छ । धेरै ठूलो आँप खानु भएको भएपनि त्यो मुश्किलले एक किलोग्रामको होला । तर सरकारको सबैभन्दा गह्रुङ्गो आँप ४.२५ किलोग्रामको छ । यसको नाम गिनिज वर्ल्ड रेकर्डमा समावेश गरिएको छ । आउनुहोस् यो शानदार आँपबारे जानकारी लिऔं

यो आँपलाई कोलम्बियामा गुआयातास्थित स्यान मार्टिन फार्ममा फलाइएको हो । यो फार्मका मालिक हुन् किसान दम्पत्ति जर्मन ओरल्याण्ड नोवोआ बरेरा र उनकी श्रीमती रीना मारिया मारोक्विनले मिलेर फलाएका थिए । उनीहरुले सबैभन्दा गह्रुङ्गो आँप फलाएको रेकर्ड बनाएका छन् । यसअघि यो रेकर्ड फिलिपिन्सको नाममा थियो । जहाँ ३.४३५ किलोग्रामको आँप फलाइएको थियो । यो कुरा सन् २००९ को हो ।

जर्मन अरल्याण्डोले उक्त आँप देख्दा आफू नै अचम्ममा परेको बताए । किनभने यसको तौल ४.२५ किलोग्राम छ । यो आँप त्यही रुखमा फलेका अन्य आँपको तुलनामा निकै तीब्र गतिमा बढिरहेको थियो । यो कुराले दुबैले आफ्ना छोरी डेबेजीलाई बताए । डेबेजीले इन्टरनेटमा सबैभन्दा गह्रुङ्गो आँपबारे खोज्दा यो रेकर्ड फिलिपिन्सको नाममा भएको पाए । कोलम्बियाको आँपको माथिल्लो भाग स्याउजस्तो रातो छ ।

जर्मनले संसारको सबैभन्दा भारी आँपको गिनिज वर्ल्ड रेकर्डमार्फत् कोलम्बियाका मानिसहरु मिहिनेती हुन्छन् भनेर बताउन चाहेको बताए । उनले थपे, ‘कोलम्बियाका मानिसहरु आफ्ना देश, आफ्नो जमिन, खेतीसँग प्रेम गर्छन् । हामी थुप्रै फलफूल फलाउँछौं । कोरोना महामारीका बेला आँपको यो खबरले दुःखी र तनावमा भएका मानिसहरुको मनमा थोरै खुसी पलाउनेछ । यसले उनीहरुलाई रोगबाट बाहिर निस्कन मद्दत मिल्नेछ ।’

गिनिज बुकमा नाम आएपछि पूरा परिवारले मिलेर आँपलाई काटेर खुसी मनाउँदै खाए । साथै, गिनिज टिमका सदस्यलाई पनि खुवाए ।