अमेरिकामा १२ तले भवन ढल्यो, ९९ जना बेपत्ता

  • सञ्चार लाइभ प्रकाशित : June 25, 2021
  • SancharLive

संयुक्त राज्य अमेरिकामा बिहीबार १२ तले भवन भत्किँदा त्यसभित्र रहेका ९९ जना सम्पर्कविहीन भएका छन्।

बीबीसीका अनुसार भवनले चेपेर एक जनाको मृत्यु पुष्टि भएको छ भने ९९ मानिस क्षतिग्रस्त भवनले पुरिएको आशंका गरिएको छ।

12tale dhalekoभत्केपछिको त्यो १२ तले भवन।

त्यसमा ल्याटिन अमेरिकी आप्रवासी पनि धेरै जना परेका छन्।

मायामीका मेयरले उद्धारका लागि केन्द्रीय सरकारसँग सहयोग मागेका छन्।

मायामी डेडकी मेयर डेनीयला लेभिन काभाले हालसम्म १ सय २ जनाको अवस्था पत्ता लागेको र ९९ जना अझै बेपत्ता रहेको जानकारी दिइन्।

फ्लोरिडाका गर्भनरले घटनास्थलमा पुगेर उद्धारको काम अझै जारी रहेको र त्यति ठूलो संरचना ढलेको देख्नु पीडादायी रहेको बताए।

फ्लोरिडाका गर्भनरले घटनास्थलमा पुगेर उद्धारको काम अझै जारी रहेको र त्यति ठूलो संरचना ढलेको देख्नु पीडादायी रहेको बताए।

राष्ट्रपति बाइडनले गभर्नर रोन डिसान्टिसबाट संकटकाल घोषणा आफूले कुरिरहेको र फिमा भनिने संघीय आपतकालीन व्यवस्थापन निकायका अधिकारीहरू घटनास्थलमा पुगेको जानकारी दिएका छन्।

स्थानीयले विस्फोटजस्तो आवाज आएको सुनिएको बताए पनि भवन ढल्नाको कारण थाहा हुन सकेको छैन।